Cynadleddau yng Nghanolfan Ymwelwyr Coed y Brenin
Croeso
Enillodd Coed y Brenin fri yn yr 1990au fel canolfan beicio mynydd bwrpasol gyntaf Prydain.
Mae yna ddigonedd o bethau i ymwelwyr eraill eu mwynhau, a cheir llwybrau cerdded a rhedeg trwy Barc Coed y Brenin yn ogystal â chyrsiau cyfeiriannu a llwybrau geogelcio.
Mae’r ystafelloedd cynadledda’n addas i amrywiaeth o gyfarfodydd busnes, digwyddiadau a gweithgareddau.
Gellir eu llogi hefyd ar gyfer digwyddiadau cymdeithasol neu at ddefnydd clybiau a chymdeithasau.
Ystafell gynadledda
Mae’r brif ystafell gynadledda’n dal hyd at 80 o bobl.
Mae modd rhannu’r ystafell gynadledda’n ddwy, fel y gellir cynnal dau ddigwyddiad llai yr un pryd.
Mae’r cyfleusterau yn yr ystafell gynadledda’n cynnwys:
- Taflunydd a sgrin
- Sgrin gyffwrdd amlgyfrwng
- siart troi
Arlwyo
Mae ein caffi’n cynnig dewis o eitemau ar y fwydlen a lluniaeth o fath arall.
Gallwch drefnu ac archebu gwasanaeth arlwyo ymlaen llaw yn y caffi (noder nad oes gwasanaeth arlwyo ar gael yn ystod gwyliau’r ysgol).
Fel arall, gall cynrychiolwyr brynu eu bwyd a’u lluniaeth eu hunain yn y caffi yn ystod eich digwyddiad.
Gweithgareddau ar gyfer cynrychiolwyr
Pe bai eich cynrychiolwyr yn dymuno ystwytho’u coesau a chael rhywfaint o awyr iach, mae tri llwybr cerdded yn cychwyn o faes parcio’r ganolfan ymwelwyr.
Efallai hefyd y byddant yn dymuno gwneud rhywfaint o feicio mynydd – mae ein llwybrau’n amrywio o rai hawdd ar gyfer dechreuwyr i rai technegol anodd ar gyfer beicwyr medrus.
Gall y cynrychiolwyr ddod â’u beic eu hunain neu logi un yn y siop feiciau (archebu ymlaen llaw yn hanfodol).
Gallant ddysgu neu wella eu sgiliau beicio oddi ar y ffordd yn yr ardal sgiliau, neu efallai yr hoffech archebu hyfforddwr beicio mynydd.
Mae’r gweithgareddau eraill sydd ar gael yn y ganolfan ymwelwyr yn cynnwys cyfeiriannu, rhedeg llwybrau a geogelcio.
Gwybodaeth am hygyrchedd
Mae’r ganolfan ymwelwyr a’r ystafell gynadledda’n hygyrch.
Hefyd, mae rhai o’n llwybrau a’n gweithgareddau eraill yn hygyrch.
Sut i archebu
Gellir archebu’r cyfleusterau cynadledda am ddiwrnod llawn neu hanner diwrnod.
I gael prisiau a gwybodaeth am archebu, e-bositwch Canolfan Ymwelwyr Coed y Brenin
Mwy o wybodaeth
- I gael mwy o wybodaeth am lwybrau, gweithgareddau, cyfleusterau hygyrch, amseroedd agor, cyfarwyddiadau a manylion cyswllt, ewch i Ganolfan Ymwelwyr Coed y Brenin.
- I archebu beic neu hyfforddwr, ewch i wefan Beics Brenin.