Gwneud cais am gontract cynaeafu
System brynu ddeinamig
Rydym yn gweithredu system brynu ddeinamig er mwyn caffael gwasanaeth cynaeafu cynhyrchu uniongyrchol. Mae hyn yn cynnwys cwympo, prosesu ac alldynnu coed at ochr y ffordd. Mae'r rhain yn cael eu gwneud yn ôl manyleb coed, i gefnogi contractau coed ar ochr y ffordd.
Mae hwn yn waith adweithiol, yn ôl yr angen, i sicrhau ein bod yn cyflawni ein dyletswyddau statudol ac yn darparu gwasanaeth cynaeafu ar gyfer Cymru gyfan.
Contractau cynaeafu
Mae contract cynaeafu unigol yn cynrychioli un neu fwy o lennyrch o fewn ardal ddaearyddol, fel arfer rhwng 1,000 a 10,000 m3obs.
Gall y contract fod ar gyfer:
- Llwyrgwympo neu deneuo, a chwmpasu'r holl ddulliau gweithio gan gynnwys cwympo â llaw, cynaeafwr/cludwr (forwarder), a systemau rhaff wifren.
- Gall hefyd gynnwys gwasanaethau taenu tomwellt/rheoli llystyfiant mecanyddol yn barod i ymateb i waredu coed â diamedr llai sydd wedi’u heintio (Phytophthora/Chalara/Dothistroma).
Gallai un contract ofyn am gyfuniad o ddulliau gweithio i gwblhau ardal y contract.
O fewn y llennyrch gofynnol, mae angen i gontractwyr gynllunio gweithrediadau cynaeafu a pharatoi Datganiad Dull ac Asesiad Risg manwl ar gyfer yr holl weithgareddau cynaeafu.
Mae angen cwblhau'r rhain fel eu bod yn bodloni’r rheolwr Contractau Cynaeafu.
Sut i ymuno â'r rhestr o gyflenwyr
Bydd angen i chi gwblhau'r holiadur Cyn-Cymhwyso. Nid oes cyfyngiad ar nifer y cyflenwyr y gellir eu hychwanegu, ar yr amod eu bod wedi pasio'r cam cyn-cymhwyso.
Gellir dod o hyd i'r Holiadur Cyn-Cymhwyso (PQQ) ar Bravo e-dendr Cymru.
- Teitl y Prosiect: Cynaeafu Cynhyrchu Uniongyrchol - System Brynu Ddeinamig
- Rhif y Prosiect: 42243
- Cyf PQQ: 32927 – Cyfnod Ymuno Parhaus
Dyfarnu contractau – y cam dyfarnu Tendrau Mini
Rydym yn dyfarnu contractau unigol yn ystod yr ail gam (dyfarnu) 'Tendrau Mini’. Byddwn yn gwahodd pob cyflenwr ar y system brynu ddeinamig yn y lot benodol honno i wneud cais am gontract penodol.
Bydd disgwyl i gyflenwyr gyflwyno cais gan gynnwys meini prawf ansawdd a phris fesul tunnell am y llannerch.
Strategaeth lotio
Mae'r system brynu ddeinamig wedi'i rhannu'n dair lot, fel y dangosir isod. Does dim cyfyngiad ar y nifer o lotiau y gall cyflenwyr wneud cynnig amdanynt.
- Cynaeafu Cynhyrchu Uniongyrchol - gogledd ddwyrain a gogledd orllewin Cymru
- Cynaeafu Cynhyrchu Uniongyrchol - canolbarth Cymru
- Cynaeafu Cynhyrchu Uniongyrchol - de orllewin, canol de a de ddwyrain Cymru
Hyd y system brynu ddeinamig
Bydd y System Brynu Ddynamig (DPS) bresennol yn rhedeg am ddwy flynedd ychwanegol hyd 12 Chwefror 2026. Bydd unrhyw estyniad pellach yn digwydd fel y gwelwn orau.