Buttercup Poultry Limited - Tynnu Dŵr yn Llawn

Deddf Adnoddau Dŵr 1991 (fel y’i diwygiwyd gan Ddeddf Dŵr 2003)

Hysbysir trwy hyn, yn unol ag Adran 37 Deddf Adnoddau Dŵr 1991 a Rheoliad 6 Rheoliadau Adnoddau Dŵr (Tynnu a Chronni Dŵr) 2006 i gais gael ei wneud i Cyfoeth Naturiol Cymru gan Buttercup Poultry Limited am drwydded lawn i dynnu dŵr o Strata Tanddaearol yng Nghyfeirnodau Grid Cenedlaethol SO 13732 72634, SO 12718 72224 ac SO 12776 72312 yn Fferm Ddole, Llanbister, Llandrindod. Y cynnig yw tynnu dŵr yn ôl y cyfraddau a’r cyfnodau canlynol i’w defnyddio ar gyfer amaethyddiaeth a chyflenwad domestig: 6.82 metr ciwbig yr awr, 114.85 metr ciwbig y dydd a 40,033.9 metr ciwbig y flwyddyn, drwy’r flwyddyn.

Gallwch weld y dogfennau cais yn rhad ac am ddim, o'n cofrestr gyhoeddus ar-lein. Neu gallwch ofyn am gopi o'r wybodaeth gennym ni. Gall hyn gymryd amser i'w brosesu a gellid codi tâl am hynny.

Os ydych am ofyn am gopi neu dymunwch wneud sylwadau ynghylch y cais, rhaid ichi wneud hynny yn ysgrifenedig, gan ddyfynnu enw’r ymgeisydd a’r Cyfeirnod PAN-033305 wrth

Cyfoeth Naturiol Cymru
Gwasanaeth Trwyddedu
Swyddfeydd Llywodraeth Cymru
Parc Cathays
Rhodfa’r Brenin Edward VII
Caerdydd
CF10 3NQ

neu drwy e-bost i permittingconsultations@cyfoethnaturiolcymru.gov.uk erbyn 21/10/2026  fan bellaf.

Er mwyn cael rhagor o wybodaeth, gweler adran ymgynghoriadau ein gwefan neu ffoniwch ein Canolfan Gofal Cwsmeriaid 0300 0653000 (Dydd Llun-Gwener, 9-5).