Penderfyniad Rheoleiddiol 114: gofynion data cynhyrchwyr â chyfrifoldeb estynedig cynhyrchwyr am ddeunydd pecynnu
Mae’r penderfyniad rheoleiddiol hwn yn ddilys tan 31 Rhagfyr 2026, a bydd wedi cael ei adolygu erbyn hynny. Dylech wirio gyda ni bryd hynny i sicrhau bod y penderfyniad rheoleiddiol yn dal i fod yn ddilys.
Gall Cyfoeth Naturiol Cymru (CNC) dynnu’r penderfyniad rheoleiddiol hwn yn ôl, neu ei ddiwygio, cyn y dyddiad adolygu os ydym o’r farn bod hynny’n angenrheidiol. Mae hyn yn cynnwys pan nad yw'r gweithgareddau y mae'r penderfyniad rheoleiddiol hwn yn ymwneud â hwy wedi newid.
Os na fedrwch gydymffurfio â'r amodau yn y penderfyniad rheoleiddiol hwn, mae angen i chi wneud cais am drwydded amgylcheddol.
Penderfyniad rheoleiddiol
Ni fydd CNC yn cymryd camau gorfodi yn eich erbyn os na fyddwch yn casglu ac yn adrodd ar ddata sy’n ymwneud â’r wlad gwerthu a gwastraff sefydliadol hunan-reoledig ar gyfer y cyfnodau penodol a nodir isod.
1. Cenedl gwerthu a data gwastraff sefydliadau hunan-reoledig 2024
Data a gasglwyd gan gynhyrchwyr o dan Reoliadau Gwastraff Pecynwaith (Casglu ac Adrodd am Ddata) (Cymru) 2023, am y cyfnod 1 Ionawr i 31 Rhagfyr 2024.
I’w adrodd o dan Reoliadau Rhwymedigaethau Cyfrifoldeb Cynhyrchwyr (Pecynwaith a Gwastraff Pecynwaith) 2024 erbyn 1 Ebrill 2025.
2. Cenedl gwerthu a data gwastraff sefydliadau hunan-reoledig 2025
Data a gasglwyd gan gynhyrchwyr o dan Reoliadau Rhwymedigaethau Cyfrifoldeb Cynhyrchwyr (Pecynwaith a Gwastraff Pecynwaith) 2024 am y cyfnod 1 Ionawr i 31 Rhagfyr 2025.
I’w adrodd ar 1 Hydref 2025 a 1 Ebrill 2026, neu cyn y dyddiadau hynny.
Gorfodi
Nid yw'r penderfyniad rheoleiddiol hwn yn newid nac yn dileu unrhyw un o'ch rhwymedigaethau cyfreithiol o dan Reoliadau Rhwymedigaethau Cyfrifoldeb Cynhyrchwyr (Pecynwaith a Gwastraff Pecynwaith) 2024.
Fodd bynnag, ni fydd CNC fel arfer yn cymryd camau gorfodi os nad ydych yn cydymffurfio â’r gofynion cyfreithiol penodol a nodir yn y penderfyniad rheoleiddiol hwn.
Yn ogystal, ni chaiff eich gweithgaredd achosi (na bod yn debygol o achosi) llygredd i'r amgylchedd na niwed i iechyd pobl, ac ni chaniateir iddo wneud y canlynol:
- peri risg i ddŵr, aer, pridd, planhigion nac anifeiliaid
- peri niwsans drwy sŵn neu arogleuon
- cael effaith andwyol ar gefn gwlad neu leoedd o ddiddordeb arbennig
Cysylltwch â ni
Os oes gennych unrhyw gwestiynau am y penderfyniad rheoleiddiol hwn, cysylltwch â ni.