Arweinydd Tîm Rheoli Tir a Gweithrediadau Coedwigaeth, y Gogledd Ddwyrain

Tîm / Cyfarwyddiaeth: 13 / Gweithrediadau

Cyflog cychwynnol: £45,367 yn codi i £50,877 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Parhaol

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweld: 01/09/2025

Rhif swydd: 200333

Y rôl

A ydych chi’n barod i arwain un o’r timau rheoli tir mwyaf unigryw ac amrywiol yng Nghymru?

Rydym yn chwilio am unigolyn ysbrydoledig a brwdfrydig i ymgymryd â rôl Arweinydd Tîm Rheoli Tir a Gweithrediadau Coedwigaeth yn harddwch gogledd-ddwyrain Cymru. Dyma eich cyfle i gael gwir effaith—yn goruchwylio rhaglen ddeinamig o weithrediadau coedwig a rheoli tir cynaliadwy ar draws 12,000 o hectarau o dirweddau eiconig gan gynnwys Coedwig Clocaenog, Gwarchodfa Natur Genedlaethol y Berwyn, a mannau hamdden poblogaidd o fewn AHNE Bryniau Clwyd a Dyffryn Dyfrdwy.

Fel arweinydd tîm, byddwch yn arwain yr unig dîm Rheoli Tir a Gweithrediadau Coedwigaeth cyfun o’i fath yng Nghymru. Byddwch yn gyfrifol am gydlynu rhaglen weithredol brysur, rheoli tîm sy’n perfformio’n dda, a chyflawni yn erbyn nodau rheoli adnoddau naturiol yn gynaliadwy a llesiant. Bydd eich cylch gwaith yn cwmpasu popeth o iechyd a diogelwch i reoli cyllideb, gan sicrhau ein bod yn bodloni’r safonau uchaf o ran stiwardiaeth amgylcheddol.

Byddwch chi’n dod â sgiliau cyfathrebu ac arweinyddiaeth cryf i’r rôl, meddylfryd cydweithredol, a’r hyder i ymgysylltu â phartneriaid, rhanddeiliaid a’r cyhoedd ehangach er mwyn ymgorffori arferion gorau a chyflawni canlyniadau amgylcheddol a chymunedol mesuradwy.

Yn gyfnewid, rydym yn cynnig amodau gweithio hybrid hyblyg, mynediad at amgylcheddau gwaith godidog, a’r cyfle i arwain prosiectau ystyrlon sy’n gwarchod ac yn gwella harddwch naturiol a bioamrywiaeth Cymru.

I wneud ymholiad anffurfiol am y rôl hon, cysylltwch â / ag Paula Harley at Paula.Harley@cyfoethnaturiolcymru.gov.uk  

Bydd cyfweliadau’n cael eu cynnal ar Microsoft Teams 

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4 i 8 wythnos i'r dyddiad cau. 

 

Yr hyn y byddwch chi’n ei wneud

• Bod yn gyfrifol am benderfyniadau rheoli tir a chyflawni gweithredol ar lefel y safle, gan sicrhau cydymffurfedd â safonau’r diwydiant er mwyn gweithredu’n unol â phob deddfwriaeth a chynllun ardystio perthnasol. 
• Datblygu a gweithredu cynlluniau gwaith lleol i gyflawni ein rhaglenni ac i gydymffurfio â’n cyfrifoldebau cyfreithiol.  
• Arwain a datblygu staff a chynllunio, monitro a rheoli adnoddau i gyflawni cynllun gwaith yn ôl y gyllideb a’r amserlen.  
• Sicrhau iechyd, diogelwch a llesiant aelodau o’r tîm drwy weithredu a monitro arferion gweithio diogel ac asesiadau risg  
• Darparu cyngor ac arweiniad technegol arbenigol i wella’r broses o wneud penderfyniadau sy’n seiliedig ar risg.  
• Rheoli gwariant y tîm o fewn y gyllideb.
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1.     broffesiynol (angenrheidiol, neu i’w chyflawni o fewn amserlen resymol y cytunir arni).Yn nodweddiadol, MCIEEM, MICFor, neu MRICS. 
 
2.    Profiad o reoli llinell.
 
3.    Profiad o bwnc gwyddonol neu dechnegol sy’n berthnasol i o leiaf un o’r rhaglenni a’r grŵp staff a reolir.

4.    Sgiliau hyfforddi a mentora. 
 
5.    Profiad o weithgareddau ymgysylltu â’r gymuned a gweithgareddau ymgysylltu â’r cyhoedd.

6.    Dealltwriaeth dda o brosesau a phwysau busnes masnachol.
 
7.    Gwybodaeth a phrofiad helaeth o un o’r canlynol o leiaf; pynciau gwyddor cadwraeth, rheoli tir, ymarfer coedwigaeth a gweithrediadau coedwigaeth.
 
8.    Y gallu i gyfathrebu’n effeithiol â busnesau rheoledig a’r cyhoedd, gan egluro materion cymhleth ac ennill cefnogaeth drwy ddylanwadu.

Gofynion y Gymraeg

• Hanfodol: Lefel A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg)

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried oedran, anabledd, ailbennu rhyw, statws priodasol neu bartneriaeth sifil, beichiogrwydd a mamolaeth, hil, crefydd neu gred, rhyw, cyfeiriadedd rhywiol.  

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon

Cadwch y manylion hysbyseb yma ar gyfer cyfeirnod yn y dyfodol gan na fyddant ar gael ar-lein ar ôl y dyddiad cau.