Rheoli adar sy'n bwyta pysgod mewn pysgodfa pysgod bras neu frithyllod

Gall adar sy'n bwyta pysgod achosi niwed difrifol i bysgodfeydd bras neu frithyll weithiau, er enghraifft:

  • difrod i stoc
  • gwerthu llai o docynnau
  • colli incwm

Defnyddio dulliau dychryn nad ydynt yn farwol

Gallwch chi reoli’r problemau hyn drwy ddefnyddio dulliau dychryn nad ydynt yn farwol megis:

  • presenoldeb gweledol pobl/cŵn
  • dynion/merched pren neu fwganod brain
  • modelau o adar ysglyfaethus neu fodelau sy’n edrych fel cyrff adar
  • barcutiaid neu falwnau heliwm
  • goleuadau sy'n fflachio neu laserau
  • awyrennau model neu ddronau a reolir gan radio
  • dyfeisiau disglair (er enghraifft, drychau, adlewyrchyddion neu dâp adlewyrchol)
  • baneri, carpiau, rhubanau neu felinau gwynt
  • goleuadau sy'n fflachio neu laserau
  • llifynnau, lliwyddion a chymylogrwydd
  • canonau nwy
  • saethu drylliau i ddychryn gan ddefnyddio bwledi gwag
  • bioacwsteg (galwadau ysglyfaethwyr neu ofid/larwm)
  • rhwydi
  • rhaffau a gwifrau
  • dileu argaeledd safleoedd clwydo

Gwneud cais am drwydded

Weithiau gallwn roi trwyddedau ar gyfer rheolaeth farwol i gefnogi dulliau nad ydynt yn farwol. Rhaid eich bod wedi rhoi cynnig ar ddulliau nad ydynt yn farwol a rhaid eu bod wedi cael effaith gyfyngedig neu ddim effaith o gwbl.

Gwybodaeth y mae'n rhaid i chi ei darparu yn eich cais

  • Enw, cyfeiriad, cyfeiriad e-bost a rhif ffôn yr ymgeisydd
  • Enw, cyfeiriad achyfeirnod grid deg digid y bysgodfa
  • Map o’r bysgodfa
  • Eich rhesymau dros wneud cais am drwydded
  • Eich cyfrif adar mulfrain a hwyaid danheddog
  • Tystiolaeth o ddifrod difrifol i'r bysgodfa dŵr llonydd – er enghraifft:
    • colli incwm
    • manylion y colledion a gofnodwyd
    • cofnodion dal
    • adroddiadau ynghylch difrod oherwydd adar
    • costau amnewid stoc
    • colledion tocynnau neu aelodaeth
  • Pa ddulliau nad ydynt yn farwol a ddefnyddiwyd gennych:
    • a phan wnaethoch chi eu defnyddio nhw
    • a pha mor effeithiol oedden nhw
    • a pham na wnaethoch chi ddefnyddio dulliau eraill nad ydynt yn farwol

Pa mor hir mae'n ei gymryd

Byddwn yn gwneud penderfyniad o fewn 40 diwrnod gwaith ar ôl i gais cyflawn ddod i law.

Faint fydd yn ei gostio

Nid ydym yn codi tâl am y math hwn o gais am drwydded.

Dechreuwch eich cais 

Dechrau nawr


Dim ond rhwng, ac yn cynnwys, 1 Hydref a 17 Mawrth y gallwn gyhoeddi trwyddedau.

Diweddarwyd ddiwethaf