Swydog Gwelliannau Ansawdd Dŵr Morol

Tîm / Cyfarwyddiaeth: Tîm Rheoli Morol Cynaliadwy / Gweithrediadau

Cyflog cychwynnol: £36,246 yn codi i £39,942 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Parhaol

Patrwm gwaith: Llawn amser, 37 awr yr wythnos  (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweld: I'w gadarnhau

Rhif swydd: 203893

Y rôl

Byddwch yn cyflwyno rhaglen waith uchelgeisiol i wella ansawdd dŵr morol mewn Ardaloedd Morol Gwarchodedig a chyrff dŵr dynodi’r Fframwaith Dŵr. Bydd hyn yn cynnwys gwaith adfer ymarferol, rheoli tir a chynefinoedd, monitro a gwaith ymgysylltu â rhanddeiliaid a gynlluniwyd ar draws yr ardaloedd yr effeithiwyd arnynt.

Gan weithio gyda thimau ledled Cymru, byddwch yn cydweithio â swyddogion ansawdd dŵr eraill i sicrhau bod  amcanion a thargedau’r prosiect yn cael eu cyflawni ac i ddatblygu amcanion a chynllun morol i'w cyflawni yn y dyfodol. Byddwch yn sicrhau bod y prosiect yn cael ei lywodraethu’n dda, gan gynnwys glynu’n gaeth at arferion caffael a llesiant, iechyd a diogelwch CNC.

Fel sefydliad, rydym yn cefnogi gweithio hyblyg. Byddwch yn cael eich contractio i swyddfa CNC o fewn y lle, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

I wneud ymholiad anffurfiol am y rôl hon, cysylltwch â Lily Pauls ar lily.pauls@cyfoethnaturiolcymru.gov.uk

Bydd cyfweliadau’n cael eu cynnal ar Microsoft Teams​.

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4–8 wythnos i'r dyddiad cau

Gair amdanom ni

Mae Cyfoeth Naturiol Cymru wedi bod yn rhoi rhaglen newydd gyffrous o waith morol ar waith gyda chefnogaeth gan Raglen Gyfalaf Dŵr Llywodraeth Cymru. Bydd CNC yn cyflwyno cyfres o brosiectau sy'n canolbwyntio ar arfordiroedd a moroedd Cymru. Yn ogystal, byddwn yn ymgymryd â gwaith dichonoldeb a thystiolaeth a fydd yn ein helpu i sicrhau gwell rheolaeth ar gyfer ein harfordiroedd a'n moroedd yn y dyfodol.

Yn y rôl hon, byddwch wedi eich lleoli o fewn y Tîm Rheoli Cynaliadwy Morol ac yn gweithio'n agos ag ystod o arbenigwyr technegol yn CNC, a chyda phartneriaid a rhanddeiliaid ledled Cymru.

Yr hyn y byddwch chi’n ei wneud

• Gweithio gyda swyddogion ansawdd dŵr eraill, rhanddeiliaid allanol a staff eraill CNC, i gynllunio a datblygu'r rhaglen forol fanwl o waith adfer safleoedd, rheoli tir a chynefinoedd, monitro ac ymgysylltu â rhanddeiliaid drwy gydol cyfnod cyflawni'r prosiect.
• Crynhoi tystiolaeth a gwybodaeth er mwyn datblygu gwaith adfer a rheoli cynefinoedd ar lawr gwlad yn y dyfodol a gwaith monitro i safonau enghreifftiol, gan gomisiynu gwybodaeth a goruchwylio contractau'n agos.
• Cadw cofnodion manwl o gynnydd wrth weithredu'r prosiect i gefnogi adrodd ar gerrig milltir allweddol. Crynhoi a dadansoddi data monitro prosiectau i ddatblygu cyfres o gamau gweithredu ac amcanion ar gyfer y dalgylchoedd. Cyflwyno a rhannu tystiolaeth a dysgu trwy adroddiadau ysgrifenedig a chynllun morol.  
• Mynychu a chyfrannu'n weithredol at gyfarfodydd rheolaidd ar draws timau amrywiol a'u cefnogi yng nghyfarfodydd Grŵp Llywio'r Prosiect.
• Mynychu digwyddiadau a rhoi sgyrsiau i ystod eang o grwpiau â diddordeb.
• Rheoli'r gyllideb a ddyrennir i elfennau’r prosiect yr ydych yn gyfrifol amdanynt a chynnal cysylltiadau â chyflenwyr trydydd parti i fodloni gofynion gwerth am arian a phroffil gwariant.
• Gweithio gydag ystod eang o randdeiliaid gan ddefnyddio amrywiaeth o ddulliau ymgysylltu i gynyddu dealltwriaeth a gwerthfawrogiad o'r gofynion, a’r manteision cymdeithasol sy'n deillio o adfer dalgylchoedd
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Gwybodaeth am dechnegau adfer arfordirol, gweithio mewn partneriaeth a rheoli dalgylchoedd  
2. Profiad o reoli contractau. 
3. Sgiliau ardderchog o ran gweithio mewn tîm a chyfathrebu, ynghyd â’r gallu i gynrychioli’r prosiect i amrywiaeth o gynulleidfaoedd gan gynnwys rhanddeiliaid allanol.
4. Gallu gyrru car yn gyfreithlon yn y DU.

Gofynion y Gymraeg

Hanfodol:  Lefel A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Os ydych yn meddwl bod gennych yr hyn sydd ei angen i gyflawni'r rôl hon, ond nad ydych o reidrwydd yn bodloni pob pwynt yn y swydd-ddisgrifiad, mae croeso i chi gysylltu â ni o hyd a byddwn yn hapus i drafod y rôl yn fwy manwl gyda chi.

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried anabledd, niwrowahaniaeth, tarddiad ethnig, lliw, cenedligrwydd, mynegiant rhyw a hunaniaeth rhywedd, statws priodasol, cyfeiriadedd rhywiol, diwylliant neu grefydd.   Mae egwyddorion hawliau dynol, cydraddoldeb, tegwch, urddas a pharch wrth wraidd ein gwerthoedd.

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon

Cadwch y manylion hysbyseb yma ar gyfer cyfeirnod yn y dyfodol gan na fyddant ar gael ar-lein ar ôl y dyddiad cau.